إهداء خاص

]



كثير من يعشق طلتك مير انا غير
عشقت شعري بك يوم جبتي له فنون
فنون وصفك بالحلا وصفتك غير
بنت علت وصف المخاليق بالهون
بالهون يامشقي معاليقي مشاوير
ارفق بقلبي يامنى القلب بالهون
اجل وش اللي يحرق الروح بالكير
غير الهوى ومتون حيلي تبي متون
الزين لاشفته بليا بدي كير
وشلون لاشفته كشخ واوزع طعون
في طلتك هيبة انوثه واساطير
هيبة ملوك الكون ياحلوة الكون
مدري وش اسمك بكتبه فالأساطير
مدري وش اصلك بأنسبه بأجود النون